|
|
||
|
22. nóvember 2005
Við komum heim seinnipartinn í gær frá Köben. Veðrið var fínt þurrt en frekar kalt. Maður finnur muninn á 3 stiga hita í Kaupmannahöfn eða á Íslandi, þar er mikið kaldara vegna rakans. Ferðin heppnaðist vel, litið var aðeins í búðir, farið í Tívolí og snætt þar julebuffet sem var alveg frábært, góður matur og umhverfið engu líkt í ljósadýrðinni, og njóta alls þessa í vinahópi er dásamlegt. 22. nóvember 2005
Í dag er vikulegur fundur meirihluta Bæjarstjórnar Árborgar. En við höfum fundað einu sinni í viku frá því að við tókum við 2002. Þessir fundir standa frá kl. 17:00 og fram eftir kvöldi. Stundum eru þeir búnir um kvöldmat en það er nú sjaldnast, oftast standa þeir lengur. 18. nóvember 2005
Í dag fljúgumvið hjónin til Kaupmannahafnarásamt Margréti systur Jónasar og Jóni hennar, Atli bróðirþeirra (Jónasar og Margrétar) og Inge hans koma líka til að hitta okkur frá Nuuk á Grænlandi. Skemmtileg helgi framundan í Danaveldi þar sem við ætlum að líta á mannlífið og njóta þess að eiga öll saman heila helgi sem við höfum ekki átt í mörg ár. 17. nóvember 2005
Allt bendir til að í dag verði enginn fundur, það gefur mér gott tækifæri til að taka á í vinnunni og létta af skrifborðinu mínu ýmsum verkefnum sem þar eru. En það er nú samt spænska í kvöld og vonandi kemst ég. 16. nóvember 2005
Aukafundur var í Bæjarstjórn Árborgar kl. 18.30 í dag. Samþykkt var að auglýsa lóðir við Ástjörn undir fjölbýlishús, einnig að lóð sveitarfélagsins í Heiðmörk yrði auglýst. 14. nóvember 2005
Í dag var aldrei þessu vant enginn fundur hjá mér. Var því í vinnunni fram að kvöldmat. 12. nóvember 2005
Seinni dagur miðstjórnarfundar hófst í morgun kl. 10.00 og stóð fundurinn til kl. 16.00. Góður og fróðlegur fundur. |
||
|
© 2026 Margrét Katrín Erlingsdóttir |
||