|
|
||
|
27. janúar 2006
Kl. 18.00 í kvöld var mæting hjá þeim sem ætla með félagsmiðstöðvinni til Vestmannaeyja en þar fer fram Samfés keppni… söngvakeppni félagsmiðstöðva. Marinó Geir fór ásamt félögum sínum í hljómsveitinni Uppþot en þeir taka þátt fyrir okkar hönd. Gústaf fór líka en hann er starfsmaður félagsmiðstöðvarinnar… Gangi ykkur vel krakkar og góða skemmtun. Hópurinn er væntalegur heim á sunnudag með Herjólfi. 26. janúar 2006
Í dag var nú hefðbundinn dagur, ég var í vinnunni fram undir kl. 18.00. Í kvöld komu Magga má og Jón í kaffi. Farið var yfir málin og það sem helst er á döfinni hjá fjölskyldunni á næstunni. 25. janúar 2006
Um hádegi í dag fórum við til Reykjavíkur með Marinó Geir til sjúkraþjálfara. Jónas fór í skólann en við Marinó Geir skruppum í heimsókn til Erlings og Sifjar að skoða hjá þeim það sem þau keyptu í siglingunni og framkvæmdir á heimilinu. En þau hafa verið að mála og gera fínt hjá sér. Þegar heim kom fór ég í hesthúsið og mokaði út, kemdi og bustaði hrossin. Alltaf gott að komast í hesthúsið og og taka svolítið á. 24. janúar 2006
Vinnufundurinn hófst kl 17.00 að venju og stóð til kl. 20.00 23. janúar 2006
Bæjarfulltrúar framsóknarflokksins, nefndarmenn og nánustu samstarfsmenn hittast alltaf á mánudögum kl. 17.00 til að fara yfir mál vikunnar og það sem er framundan. Gott að hittast fara yfir málin og fá fleiri sjónarmið. 22. janúar 2006
Í kvöld fengum við góða gesti í þorramat. Til okkar komu vinir okkar úr hjónaklúbbnum sem við höfum starfað í síðan 1999. Við hittumst alltaf einu sinni í mánuði yfir veturinn og eigum saman góða kvöldstund. Gott að hitta góða vini og njóta stundarinnar. 21. janúar 2006
Í morgun var fyrsta morgunkaffið hjá framsókn í salnum okkar við Eyraveg. Ætlunin er að hafa morgunkaffi á hverjum laugardegi frá 10 – 12. Endilega komið og fáið ykkur kaffi, spjallið og njótið stundarinnar. |
||
|
© 2026 Margrét Katrín Erlingsdóttir |
||